ඔන්න මම අද
දෙන්න යන්නෙ Elementary කතා
මාලාවේ දෙවෙනි කතා සමය. මේකට IMDb
8.0/10 වගේ අගයක් ලැබිලා තියෙනවා. අපි කව්රුත් වගේ කියවලා තියෙන ෂර්ලොක් හෝම්ස්
කතා පොත් මාලාවට අනුව තමයි මේක නිර්මාණය වෙලා තියෙන්නෙ. ඒත් ඊට හාත්පසින්ම වෙනස්
විදිහකට. පොතේ හැටියටනම් ෂර්ලොක් හෝම්ස් ඉන්නෙ එංගලන්තෙ ලන්ඩන් වල බේකර් වීදියෙ. එක්දාස්
නවසිය බරගණන් වල. ඒත් මේ කතාවෙ හැටියට එයා ඉන්නෙ ඇමරිකාවෙ නිව් යෝර්ක් වල වර්ථමානෙ.
ඒත් ඔහුගෙ උපන්බිම එංගලන්තය කියලා මේ කතාවෙනුත් කියවෙනවා. ඔහුගෙ උදවුකරු දොස්තර
වොට්සන් විදිහට මේකෙ ඉන්නෙ ගෑනු කෙනෙක්.
පළවෙනි කතා
සමය ඔයාලා හැමෝම බලන්න ඇතිනේ, බලපු නැති අය ඉන්නවානම් baiscopelk.com වෙබ් අඩවියට මෙතනින් ගිහින් බලන්න. ඒකෙ තිබුනේ වොට්සන් නෝනයි ෂර්ලොක් මහත්තයයි එකතු
වෙලා හරි අපූරුවට නවීන තාක්ෂනය යොදාගෙන, විසඳන්න අපහසු අභිරහස් විසඳපු හැටිනෙ.
ඔවුන්ට උදව්වට හිටියෙ NYPD එකේ කැප්ටන් ග්‍රෙග්සන් නේ. අයරින් ඇඩ්ලර් කියන ෂර්ලොක්
පනදීගෙන ආදරය කරපු කාන්තාවනෙ අන්තිමට බලද්දී මොරියාටි විදිහට හැම ගේමක්ම දීලා තියෙන්නෙ.
අවසානයේ බොහොම අමාරුවෙන් ෂර්ලොක්, වොට්සන් දෙන්නා ඇයව පොලිසියට කොටුකරන තැනින් ඒ
කතා සමය ඉවර වෙනවා.
දෙවෙනි
කතාසමය ගැන කිව්වොත්, මේකෙ සියලුම කොටස් දැනට විකාශය වෙලා අවසානයි. පළවෙනි කතා සමය
වගේ මේකෙත් කොටස් 24ක් තියෙනවා. මෙම කොටසෙදී නිව්යෝර්ක් වල අහිරහසක් විසදීමෙන්
අනතුරුව ෂර්ලොක්ට එංගලන්තයෙන් ඇමතුමක් ලැබෙනවා, ඒ ආපසු තමන්ගෙ උපන්බිමට ලැබෙන
කැඳවීමක්. ඒ මොකටද කියලා කතාව බලලම දැනගන්නකෝ. මේ කතාවෙදි කලින් සඳහන් නොකරපු පොතේ
ඉන්න චරිත කීපයක්ම ඉන්නවා. ඒ තමයි ෂර්ලොක්ගෙ සහෝදරයා මයික්‍රොෆ්ට් සහ ස්කොට්ලන්ඩ්
යාර්ඩ් එකේ ලෙස්ට්‍රාඩ්. තව 221B කියන ෂර්ලොක්ගෙ නිල නිවසත් මේකෙ තියෙනවා.
